• EGP

زملاء كثير سألوا بخصوص التكييف في المستشفي و هل هو مسموح بتشغيله فى ظروف انتشار وباء الكورونا؟

زملاء كثير سألوا بخصوص التكييف في المستشفي و هل هو مسموح بتشغيله فى ظروف انتشار وباء الكورونا؟

كمكافحة عدوى دوما بيكون فى تحفظ من استخدام و سائل التكييف المعتمده على الدوره المغلقه لتبريد الهواء لان ببساطه الجهاز بيسحب اي رذاذ او ايروسولز من الهواء و يضخه مره تانيه فى الغرفه فيزيد من مساحة نشر الفيروس فى الغرفه مع تيار الهواء اللي بيضخ من الجهاز و اوقات حتي بيتم نقل الفيروس من غرفه لغرفه.
كان فى تقرير عن اصابه 9 حالات فى مطعم عام فى ووهان الصينيه بسبب انهم كانوا جالسين جنب مخرج المكيف.

علشان كده التوصيه دايما فى الاماكن العامه المغلقة انه يتم مراعاة:
- زيادة معدل تجديد الهواء فى الغرف.
- استخدام التهوية الطبيعية قدر الامكان.
- الابتعاد عن مجال التنفس لأي شخص مجاور بمسافه لا تقل عن متر.
- تجنب اجهزة تبريد او تهوية تعتمد على تدوير الهواء الداخلي للغرف زي المراوح او اجهزة التكييف الاسبليت.
-تجنب الجلوس بالقرب من مخرج المكيف و توجيه ريش المكيف دوما بعيدا عن الناس.
- دوما تحاول تقليل عدد الناس فى الغرفه الواحده.
- كل المتواجدين لازم لازم يلبسوا كمامه.
اذن فى المنازل مع افتراض ان مفيش حد مصاب بين اهل البيت فممكن يتم استخدام التكييف مع تقليل مروحة التكييف لادني درجه مع ضروره جعل الاولويه للتهوية الطبيعية.

اما فى الاماكن العامه عموما يجب مراعاة انه لو التكييف مركزي مع ضمان انه بيتم تنظيف و قياس كفائة الفلاتر فممكن تستخدم و لكن يتم تقليل قوة المروحه الى ادني درجه مع رفع معدل تجديد الهواء لاعلي درجة ممكنه مع ضروره جعل الاولويه للتهوية الطبيعية.

اذا كان فى مكيف شباك و هو فيه خاصيه جلب هواء من الخارج و تبريده و ضخه فى الغرفه فهو خيار كويس مع تخفيض قوة المروحه لادني درجة.

بشكل عام يجب تنظيف الفلاتر جيدا و بمعدل اعلي من الطبيعي.

الاماكن شديده الخطوره فى العدوي زي العناية المركزه لابد من مراجعة و نظام التبريد المركزي الخاص بها و تنظيفه جدا و خاصية تجديد الهواء فيه اهم ما يكون.

بالنسبة للصيدليات

التكييف اسبليت و لازم يشتغل علشان الأدوية و الألبان

١. نقلل عدد المتواجدين فى الصيدليه فقط العاملين
٢. نقفل الباب و التعامل من خلال الشباك
٣. وكل فتره نفصل التكييف ونجدد الهواء

د.احمد عادل السيد
استشاري جودة الرعاية الصحية و مكافحة العدوى